Ang atong MDRRMO-Loon nagpagawas ug sayong pahimangno sa tanan tungod sa bagyong gitrack nga posibleng mosulod sa Philippine Area of Responsibility (PAR) ug **makaapekto sa probinsya sa Bohol karong Nobyembre 4–5, 2025.
Bisan pa man nga layo pa kini sa kasamtangan, gihangyo ang tanan nga mag-amping ug mag-andam sayo pa lang aron malikayan ang kadaot nga dala sa posible nga kusog nga hangin ug pag-ulan.
- I-trim o putla ang mga sanga sa kahoy nga duol sa balay aron malikayan ang pagkahulog niini sa atop o kable sa kuryente.
- Palawma ug padak-a ang mga lasyo aron dali makasuyop ang tubig ug malikayan ang pagbaha.
- Siguraduhang lig-on ug luwas ang inyong balay batok sa kusog nga hangin ug ulan.
- Kung ang inyong lugar usa ka flood-prone o storm surge-prone area, andama ang inyong kaugalingon alang sa posibleng evacuation.
- Andama daan ang inyong “Go Bag” nga adunay importante nga gamit sama sa tubig, pagkaon, flashlight, mga dokumento, ug personal nga medisina.
Ang pag-andam sayo pa lang mao ang labing epektibong panagang batok sa katalagman. Maghiusa kita, Loonanons, aron malikayan ang kadaut ug masiguro ang kaluwasan sa tanan.