Tungod sa pinakabag-ong pahibalo kabahin sa Severe Tropical Storm “Uwan,” si Mayor Pedro “Dodong” M. Literatus, Jr., uban sa koordinasyon sa Municipal Disaster Risk Reduction and Management Office (MDRRMO-Loon), mipagula’ og mando nga tanang Barangay Captains ug Barangay Disaster Risk Reduction and Management Committees (BDRRMCs) mag-convene ug mag-cascade dayon sa ilang localized pre-disaster preparedness meeting sa tagsa-tagsa ka barangay. Kini nga lakang gimugna aron masiguro nga ang matag Loonanon andam, giya, ug protektado batok sa posible nga kadaot nga dala sa bagyo—lakip na ang kusog nga hangin, grabe nga pag-ulan, ug posibilidad sa pagbaha.
Gimanduan ang tanang barangay nga kusganon nga ipatuman ang mosunod nga mga pahimangno:
- Kanunay nga pag-monitor sa update sa PAGASA ug opisyal nga LGU/MDRRMO channels;
- Pag-andam sa emergency kit ug Search & Rescue (SAR) equipment alang sa paspas nga pagtubag sa emerhensiya;
- Paglimpyo sa mga kanal ug palibot aron malikayan ang pagbaha;
- Pag-seguro sa mga balay pinaagi sa pagsusi sa atop, paglig-on sa estruktura, ug pagputol sa mga sanga sa kahoy nga duol sa atop;
- Pag-ila sa evacuation center ug agianan aron dali ug hapsay ang paglihok kung magkinahanglan ug evacuation.
Nag-awhag ang Municipal Government sa tanan nga magmaalerto, magtinabangay, ug mag-andam daan. Ubanan sa lig-on nga koordinasyon tali sa LGU-Loon ug MDRRMO-Loon, mas napaligon ang panalipod sa atong komunidad batok sa epekto sa STS “Uwan.”
Magbantay, magpahibalo, ug mag-amping kanunay, mga Loonanon.