Madanihong adlaw sa tanan!
Sa pagsunod sa Mensahe sa Atong Mayor Yul Lopez atol sa 31st Flag Raising Ceremony niadtong Agosto 4, 2025 sa Municipality of Loon Center Grounds, gipahibalo sa Mayor ang kahimtang sa RHU 1.
To quote:
“Mayor Lopez shared that Dra. Lamparas will be temporarily out for medical treatment for 60 days, and assured constituents that measures are in place to ensure uninterrupted healthcare services.”
Amo kining giila nga usa ka hagit nga sitwasyon ug ginasiguro sa tanan nga ang LGU padayon nga naningkamot aron matubag ang tanang panginahanglan ug mapadayon ang walay putol nga serbisyo medikal alang sa katawhan.
Tubag sa Office of the Mayor:
Mangayo mi sa pagsabot sa mga pasyente sa RHU 1.
1. Kasamtangang naka sick leave pa si Doktora Maria Victoria Lamparas gumikan sa iyang thyroid surgery ug nagpa-alim pa.
2. Ang doktor sa RHU 2 mao karon ang misapupo sa mga konsultasyon sa RHU 1, apan kada Miyerkules lamang.
3. Kasamtangang nagkapuliki pa usab ang doktor sa RHU 2 gumikan sa mga medical examinations gikan sa gatosan ka mga tinun-an sa elementarya og high school sa Loon nga mosalmot sa District Athletic Meets karong August 9 ug August 16.
4. Ang atong mayor, Mayor Yul Lopez, moanam usab og abag-abag sa mga konsultasyon kon itugot sa iyang schedule.
Daghang salamat, mga Loonanon, sa inyong pagsabot ug pagtinabangay.