Dakong garbo alang sa Municipality of Loon ug sa tanang Napoanon ang talagsaong kalampusan nga nasungkit sa Lumad Napoanon, usa sa mga aktibong grupo sa mananagat sa atong lungsod, human nilang makab-ot ang pagka-First Runner-up sa Folk Dance Competition isip kabahin sa pagsaulog sa Fisherfolk Month nga gipahigayon niadtong May 25–26, 2026 sa BFAR Regional Office sa Cebu City.
Human sa ilang impresibong pasundayag sa Provincial Level diin sila nahimong kampyon, padayon nga gipakita sa grupo ang ilang talagsaong talento, panaghiusa, disiplina, ug gugma sa kultura hangtod sa Regional Level, nga nakahatag ug dungog dili lamang sa Barangay Napo kondili sa tibuok lungsod sa Loon.
Ang ilang kadaugan usa ka dakong inspirasyon sa atong mga mananagat ug komunidad, nga nagpamatuod nga pinaagi sa paningkamot, paghiusa, ug pagpreserbar sa atong kultura ug tradisyon, mahimong mapadayag sa mas halapad nga entablado ang identidad ug garbo sa pagka-Loonanon.
Ang Municipality of Loon naghatag sa kinasingkasing nga pagpanghinaut ug pagpasalamat sa Lumad Napoanon sa ilang pagdala ug dungog sa atong lungsod. Padayon nga pasigarbohon ang kultura, talento, ug espiritu sa Loonanon ngadto sa mas taas nga lebel.
Congratulations, Lumad Napoanon!
Key References: Municipal Agriculture Office Official Post