Pasko sa Gugma, Paglaum, ug Panaghiusa sa Loon ug tibuok Kalibutan
Sa pagsidlak sa panahon sa Pasko, atong balikbalikon ang dakong grasya sa pagkatawo sa atong Manluluwas—usa ka hinumdoman sa paglaum, kaluwasan, ug dili mapugngan nga gugma sa Ginoo para sa katawhan.
Hinaot nga ang kahayag nga misidlak sa Belen mopuno sa matag panimalay dinhi sa Loon og kalinaw sa kasingkasing, gugma nga tinud-anay, ug paglaum nga nagpadayon bisag unsay hagit sa kinabuhi. Ang Pasko dili lamang bahin sa pagsaulog, apan usa usab ka panahon sa pagpasalamat, paghinataganay, ug pagpakita sa kalooy sa isigkatawo.
Short prayer alang sa tanan:
Langitnon namong Amahan, hinaot unta nga imong protektahan ang among lungsod gikan sa peligro sa bagyo, linog, ug uban pang katalagman. Hatagi kami ug kalinaw ug panaghiusa; pun-i ang among mga kasingkasing sa gugma ug pagkamatinud-anon. Hinaot nga among madawat ang Pasko uban ang kasingkasing nga sama ka-mapainubsanon ug mapunuon sa gugma sa Inahan nga si Maria ngadto sa iyang Anak nga si Jesus. Amen.
Maghiusa kita sa pag-ampo alang sa:
- Kaluwasan ug proteksyon sa tanang Loonanon
- Kalinaw ug panaghiusa sa matag pamilya ug komunidad
- Padayon nga kalamboan sa atong lungsod nga Loon ug kahapsay sa pagkinabuhi sa tanan
Sa pagsaulog nato sa Pasko, dalhon nato ang espiritu ni Maria ug Jesus nga puno sa pagkamaayo, pagkamatinabangon, ug gugma nga walay gipili.
Maayong Pasko kaninyong tanan!
Padayon Loonanon, padayon Loon Madanihon!