EXCITED NA BA MO SA UMAABOT NGA KAPISTAHAN SA LOON?
Ania na gyud, mga Loonanon ug mga higala sa atong lungsod, ang Calendar of Activities sa SidlaKasilak 2025 ug PaghiuSadya 2025 nga adunay tema: “Padayon sa Pagsilak, Lungsod nga Madanihon!”
Ang SidlaKasilak Festival of Lights usa ka halandumong kasaulogan alang sa atong mahal nga patrona Our Lady of Light, diin ang kahayag nagsimbolo sa paglaum ug panaghiusa. Samtang ang PaghiuSadya mao ang pinakadako nga global homecoming sa tanang Loonanon nga nagpadayag sa gugma, kalipay ug panaghiusa bisan pa man diin ta sa kalibutan gipahiluna.
Ayaw kalimot nga apil ug partisipar sa matag kalihokan, gikan sa mga relihiyoso nga panagtigom, kultura ug arte nga pasundayag, paingon sa makalingaw nga kasayuran ug mga kompetisyon nga maghatag ug kinabuhi ug kahayag sa atong lungsod.
Kini nga mga kalihokan gidala kanato sa Municipal Government of Loon uban ang tibuok suporta sa atong Mayor Cesar Tomas M. Lopez, M.D., uban sa Sangguniang Bayan, mga barangay ug stakeholders nga nagtinabangay aron ang fiesta mahimong madanihon, masilakon ug malampuson.
Mga higala, sugod na ug marka sa inyong mga kalendaryo! Kuyog ta sa pagsaulog sa atong kultura, pagtuo ug panaghiusa. Ang atong kapistahan usa ka pagsaulog sa pagkatawo nga Loonanon—mapasidungganon, mapadayonon ug masilakon!
Kuyog ta, Loonanon! Kuyog ta sa SidlaKasilak 2025 ug PaghiuSadya 2025!
Making Loon Madanihon rise and shine… from Local to Global!