PAHINUMDOM!
Maayong adlaw sa tanan!
Sumala sa taho sa atong Loon Bantay Dagat Task Force, adunay mga payaw nga nakita ug gitambog sa atong municipal waters nga walay Municipal Permit ug adunay uban usab nga nahimutang sa dapit nga wala itugot sa atong balaod or municipal ordinance.
Subay niini, among giawhag ang mga nanag-iya ug mga payaw sa atong lungsod sa paglukat og municipal fishing permit sa dili madugay ug kadtong mga payaw nga naa nahimutang sa piliw sa pagbalhin niini ngadto sa lugar nga gilatid subay sa atong balaod (6.5 kms to 15 kms- privately owned, 3.5 kms to 15 kms- People’s Organization; Mun. Ordinance 23-004, Series of 2023).
Basi sa kamanduan sa MFARMC, ang payaw nga wala marehistro, wala ma-renew o gipahiluna sa dili tukma nga lugar sa kadagatan, kinahanglan’g pagaputlon alang sa kaangayan sa tanang payaw operator nga nagtinuod sa pagsunod sa atong balaod. Ang pakyas nga pagtuman niining mando human madawat kining maong pahibalo, paga-aksyonan sa atong Bantay Dagat ug MFARMC Officials pinaagi sa PAGPUTOL niini sulod sa bulan sa Mayo 2024.
Daghan kaayong salamat sa inyong pagsabot ug pagsanong sa among awhag.
-Municipal Agriculture Office & Loon Bantay Dagat