Posted on

Atong likayan nga makasulod ang maong sakit dinhi sa atong lungsod ilabina nga hapit na ang kapistahan sa atong lungsod. Magtinabangay kita sa pagpatuman sa mga lagda aron malikayan ang maong sakit ug atong matabangan ang mga namuhi ug baboy sa atong lungsod.

SA UNSANG PAMAAGI MAKATABANG KA SA PAGLIKAY SA AFRICAN SWINE FEVER (ASF)?

1.  Pagbantay nga walay baboy, karne’ng baboy o mga produkto gikan sa baboy nga makasulod sa atong lungsod ilabina kadtong naggikan sa ASF affected areas;

Kung adunay baboy o mga produkto sa baboy nga mosulod sa lugar, kinahanglan adunay dokumento o papeles nga ipakita:

  • Kung buhing baboy – adunay livestock inspection certificate sa lungsod kung asa naggikan ang maong hayop;

  • Kung mga produkto sa baboy (processed pork products sama sa longganisa, chorizo, chicharron ug uban pa) – adunay License to Operate (LTO) gikan sa namaligya niini;

  • Kung karneng baboy – Certificate of Meat Inspection

  • Mga butakal gikan sa laing lungsod nga mosulod sa atong lugar – Livestock Inspection Certificate ug asa sila naggikan, updated record of vaccination sa Hog Cholera ug deworming;

  • Kung ang maong baboy naggikan dinhi sa atong lungsod ug dalhun sa laing barangay dinhi sa Loon-Certificate of Inspection gikan sa Barangay Livestock Aide (BALA)

2.  Kung aduna kamoy binuhi nga baboy, likayi ang paglawog sa pasaw/lamaw/salin-salin o Swill Feeding;

3.  Ipahibalo sa otoridad kung adunay kadudahang sakit ang mga giatiman nga baboy. (Sintomas sa ASF: taas nga hilanat, walay gana mokaon, paglisod ug ginhawa, suka-suka ug kalibanga nga adunay dugo, pagpula o asul sa panit, pagkamatay sa baboy sulod sa 2-10 ka adlaw)

4. Pagtuman og strikto nga BIOSECURITY MEASURES sa baboyan (kahinlo, pagdis-infect kanunay, pagbutang ug foot bath, paglain sa masakiton nga baboy, likayan ang pagbisita sa laing baboyan)
5. Alang sa mga pribado o pampasaherong sakyanan, ginadili ang pagdala o pagkarga og karneng baboy lakip usab ang mga produktong naggikan sa karneng baboy.
6. Pagpahibalo sa labing daling panahon kung adunay mga baboy nga nasakit sa inyong barangay aron matan-aw ug matambalan kini sa atong livestock technician. Mahimo kining ireport sa barangay livestock aide/punong barangay o sa Municipal Agriculture Office.
7. Pagpasiguro o pagpainsure sa mga binuhing baboy sa Philippine Crop Insurance Corporation (PCIC).
8. Kung adunay mga tecnician sa feeds nga muanha sa inyong baboyan, ipasiguro nga sila nagsunod sa saktong pamaagi sa disinfection aron malikayan ang pagtakod sa maong sakit.

Ang kaluwasan batok sa ASF sa atong lugar anaa sa atong tagsa-tagsa nga kooperasyon, pagmabinantayon, ug pagkabana. Daghang Salamat sa inyong makanunayon nga suporta!