Tinahud nga konsumidor sa LWS:
Maayong adlaw kanimo ug sa imong banay!
Atong namatikdan sa milabayng mga adlaw nga mihinay ang agas sa atong mga gripo. Mikunhod gayud ang supply sa tubig nga nagagikan sa atong katuboran, nga mao ang Agsoso Spring, Bagacay Katipuhan Spring, Danicop-Ticugan Spring ug Antaeg Biasong Spring. Ang labihang kainit sa panahon dili na normal nga sitwasyon; dala kini sa dugay na natong nasayran nga climate change nga nasinati sa tibuok kalibutan.
Ang pumping station sa Antaeg Biasong Spring Maoy nag-supply og tubig sa Biasong, Canhangdon Oriental, Canhangdon Occidental, Ubayon, Catagbacan Sur, Catagbacan Norte ug Catagbacan Handig. Tungod sa pagkunhod sa tubod, mapalong ang pumb human sa upat (4) ka oras nga pag-andar, kay maapsan man sa paghunob sa tubig. Makabalik lang kinio sa pag-andar human ang usa ka oras. Tungod niini, kinahanglan na gayud nga magrasyon ang LWS og tubig. Busa, gisugyot nga magpondo kita kanunay samtang may agas, ilabi na karon nga nagsingabot ang pista sa atong lungsod.
Manghinaot kita nga mobalik na ang normal nga pag-ulan ug pag-agay sa atong mga katuboran, ug sa inyong pagsabot sa sitwasyon. Daghang kaayong salamat. Ang Diyos magauban ug maggabay kanato sa tanang panahon.